Aizawl bazar laili laia zunin pakhat ah chuan a lo intar nalh mai a. He tawngkam hi heti tak hian kan lo hmang ve nasa tawh a nih dawn hi ka ti liam mai na in a thla tal chu la teh ang tiin ka va pan tha leh ngat a. Mizote hian kan tawng hi kan sawisa nasa ngawt thin hian ka hre ve deuh a. Entirnan biakin vengtu - 'Pulit' kan han ti mai te leh society - 'saw-sai-ti' ti duh tawk kan awm tlat mai te hi kan them thiam loh em em vang pawh a niin a lang lo. Tawngkam thiam tak takten mawi tak takin kawlphetha atanga biakhlatna te keimahni tawngin min neihtir ve zel a. Chutih a karah chuan keimahni kan in ngaihsan loh luat ah hian hnamdang tawnga kan thil hriat te sawifiah kan tum tlat thin hi chu ka duh dan a va ni lo thin em ve le. Ka duhdan nise zing dar hnih thleng thleng he post buaipui tur hian ka menglo turah hihi...Tawng hi kan nihna a ni a, kan vawn nun loh chuan hnam a thi mai ang tih ka hlau hlel lo
